أخصائى اول ادارة الموارد البشرية - مكتب مصطفي شوقي للمحاسبة و المرجعة
فى الواقع ان تأثير الشهادة من الناحية العلمية كان كبير جدا لان انا مكنتش درست اى حاجة فى ادارة الموارد البشرية غير اللى كان موجود فى الكلية و طبعا كان مجرد قشور و كلها معلومات الى حد كبير قديمة مش متطورة زى محتويات شهادة كيم لادارة الموارد البشرية.
اما من الناحية العملية بالرغم من ان انا كنت شغال فى ادارة شئون العاملين فى احد المصانع و اللى مكنش بيطبق اى حاجة من ادارة الموارد البشرية او من مبادئها و مالوش علاقة بالواقع العملى او التطورات اللى حصلت فى السوق برة الا انى لما درست شهادة كيم لادارة الموارد البشرية عرفت المشاكل اللى موجودة عندنا ايه هى و ازاى الواحد ممكن يساهم (فى حالة سماح الادارة العليا) بحلول او اقترحات تحسن من العمل و جودته و تقلل من تكلفته و الوقت اللى بياخده من خلال العاملين الموجودين فى المصنع.
انا اتأثرت قوى بالشهادة و منهجها العلمى و العملى و بالرغم انى حصلت على اكتر من دبلومة بعد كده الاانى دايما كنت بقارنها بشهادة كيم لادارة الموارد البشرية و كنت بلاقى الفروق حاجات بسيطة و الواحد ممكن يقرئها من برة و لذلك فهى دائما ستظل حجر الاساس و المرجع اللى برجعله دايما لما بحس انى محتاج اراجع على شىء او فى خلافاتى فى وجهات النظر سواء مع الادارة او مع الزملاء العاملين فى ادارة الموارد البشرية فى شركتى او فى اماكن تانية و فى اوقات جديدة بتكون الفيصل فى خلافتنا سواء لصالحى او فى صاح الطرف الاخر.
اللى كان بيميزنى عن غيرى من المتقديمن لاى وظيفة انى انا فاهك يعنى ايه ادارة الموارد البشرية و ايه المطلوب منها و منى فى الشركة و ازاى ممكن نربط بين الدور الاسترتيجى لادارة الموارد البشرية و بين القدرة التنافسية للشركة فى السوق من خلال موظيفها.
كان دايما لما بروح اى مقابلات و انا كنت بروح مقابلات كتير اوى فى بداية شغلى كنت دايما بقعد من مديرى ادارى الموارد البشرية فى الشركات على طول و كان نادر انى امر على اخصائى توظيف فى الاول الا فى الشركات الكبيرة اوى كنت دايما بقعد اكلم معاه فى كل من اللى دراستها فى الشهادة و كنت بلاقى اغلبهم عارفين الشهادة و محتويتها و ثقلها من الناحية العملية و العملية فكان الكلام بينى و بينهم مبنى على اساس و ثقة فى الشحص اللى قاعد معاه فاهم الواحد بيكلم فى ايه.
طبعا هو النصيب فى الاول و فى الاخر و الرزق اللى ربنا كاتبه للواحد هو اللى الواحد هيشوفه و الحمد لله الواحد دلوقتى شغال أخصائى اول ادارة الموارد البشرية فى اكبر و اقدم و اعرق مكتب محاسبة فى مصر و العالم العربى وهو مكتب الاستاذ مصطفى شوقى و اللى عامل شراكة مع مكتب تانى اجنبى من اكبر 10 مكاتب على مستوى امريكا و اوربا اسمه مزارز.
فى الواقع ان وجهة نظر مزارز مصطفى شوقى فى ادارة الموارد البشرية على مستوى العالم كلها واحد و انا معجب بها جدا خاصة انى اول مرة اشتغل فى بيئة عالمية متعددة الجنسيات بالشكل ده و لولا الشهادة و ارتباطها الوثيق بالواقع العملى فى الشغل مكنتش هقدر استمر هناك حوالى 3 سنوات دلوقتى و اكون معروف على مستوى الشركة كلها فى مصر بالاسم و مكنتش الادارة الحالية للشركة اعتمدت عليا فى اكون مسئول مسئولية كاملة عن كل ما يتعلق بالتدريب و التوظيف فى الشركة.
فعلا الواحد كان ممكن يخسر كتير لو مكنش خد شهادة كيم لادارة الموارد البشرية